Sunday, November 16, 2008


يا رب يا عالي أنصر الأهلى

Thursday, October 23, 2008

شكر واجب وإعتذار
بجد يا جماعة أنا باشكر كل اللي علق ع البوست اللي فات مع إنها جات متأخرة شوية
وعارف اني مقصر معاكم جدا
بس معلش سامحوني
بجد انا جيت مصر لاقيت حاجات كتييييييييير جدا شغلتني شوية
وحاجات تانيه هتشغلني برضه الفترة اللي جاية
فمعلش سامحوني للي فات وللي جاي عشان برضه هاغيب شوية كده صغيرين
ييجي ستين سبعين سنة بس
:)
Will Miss You

Tuesday, September 16, 2008

وجايلك يا مصر

Day : Thursday
إن شاء الله

Saturday, August 30, 2008

كل سنة وانتو طيبين رمضان كريم



كل عام أنتم بخير

كل عام أنتم إلى الله أٌقرب

رمضان كريم

كل سنة وانتوا طيبين

كل سنه وكل المسلمين في كل مكان بخير

كل سنة ومصر كلها في طمئنينة وسكينة




تسير وحدها وسط زحام الطريق تترك كتف هذه وقد ألمتها تلك الخبطة ولكنها أكتفت بنظرة خلفها لا لشئ إلا لترى من تلك التي خبطتها لتكمل طريقها في ذلك الزحام الرهيب تحمل تلك الحقيبة التي تعودت عيوننا أن تراها في أيدي ذلك الجيل الستيني من أمهاتنا الطيبات تلك الحقيبه ذات الالوان المبهجه والمصنوعه من نوع معين من الحصير بتلك اليدين التي تحملها منها تنظر على ملامح وجهها كي تبحث عن تلك الملامح المتجهمه العابثه كي تواسي بها مأساة تلك السيده لكنك لن ترى ما تبحث عنه تتعجب حين ترى تلك الابتسامه الراضيه القانعه ترى ملامح وجه منبسطه تشعر فيها بالارتياح بمجرد لمحها عندما تسترق السمع للأجواء المحيطه تسمع من بعيد نغمات عادة ما تعودت أذاننا على سماعها في ذلك الحين من كل عام انوار كثيرة متعددة الألوان تراها منتثرة في كل شوارع المدينه المزدحمه دائما العامرة بالقلوب الطيبة والابتسامات المتبادلة بين الناس الذاهبة والعائده



تسترق السمع أكثر لتشتم رائحه أكثر بهجه وأكثر فرحا نعم تسمع وتشم وترى روائح ونسمات الشهر الكريم تأتي من بعيد لتحتوي أذاننا وعيوننا وحواسنا الخمس صوت رمضان عبد المطلب يعلو وتختلط نبضاته بنسمات هواء شهر الرحمه أنوار وزينات وفوانيس خشبية ونحاسية تختلط ألوانها جميعا لتعطي مزيجا من الأحمر والأصفر والأزرق ومعهم بعضا من أخضر قليل مزيجا لن تراه إلا في حواري وأسواق محروستنا


تستمر في طريقك لترى ذلك الرجل العجوز الذي يقارب عمره من عمر أجدادنا منكفئ على كمية من قطع النحاس يدقدق على تلك ويثني الأخري تنظر بجواره لترى كمية لا بأس بها من الزجاج الملون وقد أُسندوا على الحائط بجواره بجانبهم بعض الفوانيس التي لم تمر لحظات على رؤيتها معلقه في منتصف الشارع.




على بعد خطوات من الرجل العجوز ترى أمامك ذلك الأربعيني الواقف ليفخر بمنتجاته التي يبيعها هذا العام من بندق ولوز والزبيب التركي الفاخر وأنواع شتى من بلح أخذ عده اسماء لمشاهيرنا وممثلينا ولترى أمامه جبل صغير من بندق الغلابة السوداني المحمص ولن تتعجب عندما تسمع جميع من يمرون على البائع السوداني ده محمص كويس يا ريس لتسمع اجاباته المعهوده عيب يا بيه ....عيب يا مدام دوق بنفسك وانت تحكم لترى الأيدي تمتد لتتذوق ذلك المحمص بندق الغلابة



طب اوزنلي تلاته كيلو دلوقتي على بال ما ننزل تاني على نص الشهر نجيبوا تاني
طب يا بيه ما تاخد بالرمة سته سبعه كيلو لاحسن مش ضامنين على نص الشهر يجي تاني النوع ده ولا لأ
لا لاكفايه تلاته كيلو بس دلوقتي
لتترك هذا الحوار الذي دائما ما نسمعه وتذهب بنظرك بعيدا عن المشهد السوداني
هناك على بعد خطوات اخرى
شادر كبير تم نصبه وفي داخله صينيه رمضان
هو في غيرها
صينيه الكنافه بالمكسرات
لن تشم رائحه صينيه الكنافه المعهوده ....ولكن ترى ذلك الشاب المشمر عن ساعديه ويمسك بكوب العجين السائل الملئ بالفتحات ليدور به فوق صينيه الفرن ليصنع دوائر رفيعه من الكنافه اليدوي
وبجانبه ترى صانع القطايف بمختلف احجامها
قطايق كبيرة وقطايف وسط والقطايف العصافيري

وكل سنة وانتو طيبين


ورمضان كريم

Wednesday, August 6, 2008

نارُ الوطنِ......أم جنةُ الغربة....؟

دائماَ ما يتبادر إليَ هذا السؤال.!!!
أنار الوطن خيرٌٌ أم جنة الغربة والبعد عن الأهل والأصدقاء؟
أنار مصر أهون أم برودة مكيفات الخليج؟
كم من مرة سألت نفسي...نفسي في وحدة ليل مظلم حار
أهذا ما تتمنيه؟
أهذا ما رغبتي في تحقيقه يوم من الأيام؟
وحدةٌٌ وغربةٌٌ وحنين
كفاكِ مكابرة
فلتعترفي ولتصححي ما بدر منكِ
ماذا جنيتي من فراق الأهل؟
لوعةٌٌ وشوق وحنين للكلام
أععجبكِ المنزل الكبير المتسع؟
أم اعجبتك السيارة الفارهة والكراسي المريحة بها؟
أعجبكِ تعدد أجهزة المنزل و وسائل تضييع الوقت المتعددة؟
سيضيع العمر وستأتي لحظة الندمِ
ستأتي عندما لن تجدي المفر من الاستمرار
ستجدي نفسكِ تتسائلي
أين أنتَ من هؤلاء؟
أأنت الضيف الذي يزروهم مرة في العام لو إنتظمت عليها؟
أين أنتَ من ذاك الصبي الناشئ في ذلك المنزل الهادئ الجميل؟
أين انت من ليالي السمر والحكايات؟
أاتعبتهم كل تلك المدة لكي تتركهم وتغادر؟
أاتعبتهم وأسهرتهم ليالي بجانبك لكي يحملوك ويئنسوا ظلمة ليالي المذاكرة
كم من ليالي لم يناموا هم فيها وأنت في سباتك العميق لكي لا يفوتك بداية الامتحان؟
وأنت أنت الأن تتركهم عندما يكونون في حوجة شخص يؤنس وحدة لياليهم
من أجل ماذا؟
أمن أجل المال تترك كل هذا وتتحمل كل هذا العناء؟
أمن أجل حفنة أوراق بالية تترك نفسك وتذهب لكي لا تعيش؟
دعني أسالُكَ سؤالٌٌ
هل تحس أنك إنسان يعيش بين الخلائق؟
تذهب للعملِ
وتعملُ
وترجع من العمل لـتأكل
وتسهر لياليك منفردا
وتنام
هل هذه الحياة؟
لا أظن

Tuesday, July 29, 2008

بِسْمِ اللَّهِ الرَّحْمَٰنِ الرَّحِيمِ
الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الْوَكِيلُ
(سورة آل عمران: ١٧٣)
بينما تتركز العمليات على البحث عن مزيد من الجثث
1028
بين قتيل ومفقود ضحايا كارثة عبارة
«السلام 98 "

مقبرة جماعية لضحايا كارثة العبارة المصرية «السلام 98» في الغردقة ، ولا يزال مصير 1028 من ركاب العبارة مجهولاً. (أ.ف.ب)
القاهرة - أ.ف.ب:
اعلنت الشركة المالكة للعبارة المصرية «السلام-98» التي غرقت قبل نحو اسبوع في البحر الاحمر امس الخميس عن وقوع 1028 ضحية بين قتيل ومفقود في هذه الكارثة البحرية فيما تتركز العمليات حاليا على البحث عن الجثث.




غلطان انا غلطان غلطان كبير
نسيت اهلي وناسي في البحر الكبير
نسيتهم ونسيت الضلمه اللي ضمتهم والهم الكبير
ياما البحر لم وياما هيلم من الناس الكتير
يوم ايطاليا ويوم يونان ويقولك لا.....لا ده الموج الخطير
لكن هنقول برده ربك كبير كبير كبير




نسيت أحضر وأقول لأ في الحكم الي كان

كان لازم عليا هناك في المحكمة العالية اكون

ما حدش قاللي ليه ان الحكم في الوقت كان

ولاَ هو مكتوب عليا دايما غلطان أكون

سيبتهم وبرئوهم وراح الحق للغلبان

وفضل لينا الهم ...والغلب..وللعدل الحرمان

Friday, July 18, 2008

خبريني

أَسكِنيني
بين عينيكِ شُعاعا
واحضنيني
قد كفى عمري ضياع
ايا عيوني
حدّثيني
حينما كنتُ صغيرا
كيف أمسى حِجرُكِ الهاني سريرا
يحتويني
وحداءٌ منكِ يسري
نمْ صغيري..نم بحِجري"
"نم هنيئاً ..أنتَ عمري
خبّريني
كيف ناديتِ الحَماما
في حنانٍ كي أناما !
خبّريني
كيف تجرينَ لضمّي
كلما ناديتُ : أمي !
خبّريني
حين كنتِ ترضعيني
كلَّ حينٍ حبَّ ديني
ها أنا صرتُ فتاكِ
يا لَسعدي
حين يَغشاني دعاكِ
بعد بُعدي عنكِ أمي
عدتُ مشتاقاً لضمِّ
عدتُ أستجدي رضاكِ
سامحيني يا عيوني
أنتِ أمي
سامحيني
#########################
شعر : د. عبد المعطي الدالاتي

Tuesday, July 8, 2008

عجميستا وشط العجمي




فيلم عجميستا
فيلم غريب ما يدخلش سينما
فيلم بيحكي عن ايه ما تعرفشي
فيلم لولا انه بيتعرض الايام دي على سينما كتير ما كانش الواحد اتفرج عليه
وبالرغم من ان الواحد ما يتفرجشي عليه اكتر من مرة واحده كحب استطلاع
لان من اسمه متهيألي كده ما حدش فكر يدخله سينما
الفيلم فعلا حاولت ادور له على قصه ومغذى ما لاقيتش
المهم
الفيلم ده كل لما بصادف انه اشوفه بيبتدي اقعد اتفرج عليه
فراغ ممكن
ما عنديش دش اتفرج على حاجه تانيه ممكن
:)
حنين لاسكندرية
ده بقي اللي اكيد
........
الفيلم فيه شويه مناظر متاخده بجد حلوة جدا
القعده اللي في الشاليه لما كانوا بيشووا وعاملين باربيكيو
بعد كده لما كانو بيشربوا الشاي وبيسمعوا ام كلثوم ومحمد فؤاد
بجد الحته دي جامده جدا
حسستني اني في مصيف بجد واني عايش معاهم في الشاليه
ياااااااااااه
الحاجه التانيه اللي في الفيلم اللي من الاخر بتحكي القصه كلها بتاعته وممكن كنا نبدل الفيلم بيها
هي الاغنية
الاغنيه فعلا كلماتها حلوة جدا والخلفية الموسيقيه بتاعتها جميلة جدا
وبقت حلوة اكتر لما اتنين غنوها مع بعض
عبرت عن اللي عايز يتقال في الفيلم
الاغنية فعلا بعيدا عن الفيلم بتحكي واقع شباب كتير دلوقتي فينا
عايشين ومش محددين ايه الهدف من حياتنا ولا احنا عايزين ايه بالظبط
ويمكن هيا فعلا لخصت قصه الفيلم في صوتين وفي شخصين من البشر







عمري ايه قبل الليلادى
عمر ضايع عمر فاضي
واللي عشته من حياتي ورقه فاضيه وقلم
واللي كانت روحي فيها كدبتنى ليه عنيها
فجأة راحت مش لاقيها زى حلم أتهدم


جوه منى كتير معاني والحياة مكتفانى
أنا نفسي أقول واصرخ بصوت
نفسي اتحدي زماني
أحلام كتير متكسرة بين السنين متنطورة
نفسي ألاقى فيا نفسي
نفسي يتحقق كياني
...

أما انا فاحكايتي قصه
من هروب لهروب ولسه
لسه بحلم يوم بمرسى
ومركبة وحضن وصبيه
بين حياة شايفها سد
مش مهمة لأي حد
نفسي أعيش بس انى أعيش
والا يبقى كتير عليا


جوه منى كتير معاني والحياة مكتفانى
أنا نفسي أقول واصرخ بصوت
نفسي اتحدي زماني
أحلام كتير متكسرة بين السنين متنطورة
نفسي ألاقى فيا نفسي
نفسي يتحقق كياني
...





الصورة دي بقي فعلا قعده اسكندراني .....بس بلاش سيجارة الحشيش اللي فيها







Thursday, July 3, 2008

وفاة الدكتور عبد الوهاب المسيري



إنــــّـا لله و إنــّــا إليه راجعـُـون

Wednesday, June 4, 2008

أحلى البلاد


لفيت لاقيتك يا بلدي أحلى البلاد
لفيت عرفت ليه اسمك أم البلاد
عرفت ليه كل اللي سابك تايه وسط البلاد
شوفت ناس كتير مش هما الولاد
ناس زينــَا تشوفها تحسبها زي الولاد
بس لأ يا بلدي ولادك مش زي أي ولاد

Thursday, May 29, 2008

وداعاً يا كابتن

محمد عبده صالح الوحش

29/5/1929

22/5/2008

Thursday, May 15, 2008

مع فلسطين

تضامناَ مع فلسطين في ذكرى النكبة

لم أجد ما أقدمه وما يعبر عما بداخلي غير هذا الكليب

طريق واحد يمر من فوهة بندقية

You'll find the source of video on Youtube

Thursday, May 8, 2008

متغربين

وحشتيني يا مصر

Monday, April 28, 2008

يا رب


اللهم إني أستغفرك لكل ذنب ..
خطوت إليه برجلي ..
أو مددت إليه يدي ..
أو تأملته ببصري ..
و أصغيت إليه بأذني ..
أو نطق به لساني ..
أو أتلفت فيه ما رزقتني
ثم استرزقتك على عصياني فرزقتني
ثم استعنت برزقك على عصيانك .. فسترته علي
وسألتك الزيادة فلم تحرمني
ولا تزال عائدا علي بحلمك وإحسانك ..
يا أكرم الأكرمين
يا رب العالمين

يا رب
اللهم إني أستغفرك من كل سيئة ارتكبتها في بياض النهار
وسواد الليل في ملأ وخلاء وسر وعلانية ..
وأنت ناظر إلي
اللهم إني أستغفرك من كل فريضة أوجبتها علي في آناء الليل والنهار
تركتها خطأ
أو عمدا
أو نسيانا
أو جهلا
وأستغفرك من كل سنة من سنن سيد المرسلين
وخاتم النبيين سيدنا محمدصلى الله عليه وسلم
تركتها غفلة
أو سهوا
أو نسيانا
أو تهاونا
أو جهلا
أو قلة مبالاة بها
.. أستغفرالله ..
.. أستغفرالله ..
.. أستغفرالله ..
.. أستغفرالله ..
.. أستغفرالله ..
.. أستغفرالله ..
.. أستغفرالله ..
.. أستغفرالله ..
.. أستغفرالله ..
.. أستغفرالله ..
وأتوب إلى الله
مما يكره الله
قولا وفعلا
وباطنا وظاهرا

Tuesday, March 4, 2008

يا طير

فارد جناحك يا طير وعالي لفوق

لوحدك اخدت السما

والبحر وهواها

وطاير على شطها

طاير على شطها يا طير

بتحبها؟

اكيد طبعا يا طير

من غير ما تقول عارف وحاسس بيك

ومين يا طير شافها ولا حبهاش

ده اللي يجيلها مرة مش عايز يسيب

بالك بقى باللي بالك فيه

باللي عايش ودايس وشامم ريح الموج

شاممه يا طير

املى صدرك بيه






عجبي عليك يا طير

لااااابد هناك
عند المرسي والمنشية ومش هاين عليك رملها

عاجبك ميناهها الشرقي ومش عايز تسيبه

اومال يا طير لو شوفتها من جوه هناك بعيد عن بحرها

عند الناس الطيبة

ناسها يا طير غير أي ناس

مجدعة وشهامه وحفظ جميل

هاخدك يا طير مرة ونروح هناك

يمكن تجيبه بحرها معاك عندهم

ولا اقولك

بلاش تتعبه

هو لوحده عايش وساكن قلبهم


أمانه عليك يا طير ما تسيب جوها

امانه عليك يا طير ما تغير طبعها

الا هيا يا طير

دي هيا اللي ساكنه في قلبنا

ازعل واموت يا طير
لو حد مسها


خلاص يا طير

ماشي انا ومسافر بس راجعلها

راجع يا طير وشايل في قلبي حبها

راجعلها انا يا طير

ان شاء الله هارجعلها

هاحضنها بعنيا

وابوس ترابها واقولها

وحشتيني


"إهداء لست الكل حبيبة قلبي أمي"

Friday, February 8, 2008

سلام يا بلدي...سلام



يا بلادي

يــــــــــــــــــــــــــــــــــا بلادي
هنا اصحابي
هنا احبابي
هنا حبيبي اللي دق بابي
هنا شمسي هنا قمري
هنا نيلي وهنا هرمي
هنا ابويه وهنا امي
هنا عرضي وهنا دمي
هنا بلادي وهنا جدادي هنا هيكوني احفادي
هنا ماضييا وليالييا
وهنا ذكرى كانت ليا

وسلام يا بلدي ...سلام
راجعلك مافيهاش كلام
وكلى شوق واحلام
وسلام
سلام يا بلدي

Saturday, January 5, 2008

غلطان ....أنا


غلطان انا غلطان غلطان كبير
نسيت اهلي وناسي في البحر الكبير
نسيتهم ونسيت الضلمه اللي ضمتهم والهم الكبير
ياما البحر لم وياما هيلم من الناس الكتير
يوم ايطاليا ويوم يونان ويقولك لا.....لا ده الموج الخطير
لكن هنقول برده ربك كبير كبير كبير


ده كان تعليق ليا كتبته مرة عند موجه كان كاتب موضوع عن شهداء وضحايا العبارة السلام98