فيلم عجميستا
فيلم غريب ما يدخلش سينما
فيلم بيحكي عن ايه ما تعرفشي
فيلم لولا انه بيتعرض الايام دي على سينما كتير ما كانش الواحد اتفرج عليه
وبالرغم من ان الواحد ما يتفرجشي عليه اكتر من مرة واحده كحب استطلاع
لان من اسمه متهيألي كده ما حدش فكر يدخله سينما
الفيلم فعلا حاولت ادور له على قصه ومغذى ما لاقيتش
المهم
الفيلم ده كل لما بصادف انه اشوفه بيبتدي اقعد اتفرج عليه
فراغ ممكن
ما عنديش دش اتفرج على حاجه تانيه ممكن
:)
حنين لاسكندرية
ده بقي اللي اكيد
........
الفيلم فيه شويه مناظر متاخده بجد حلوة جدا
القعده اللي في الشاليه لما كانوا بيشووا وعاملين باربيكيو
بعد كده لما كانو بيشربوا الشاي وبيسمعوا ام كلثوم ومحمد فؤاد
بجد الحته دي جامده جدا
حسستني اني في مصيف بجد واني عايش معاهم في الشاليه
ياااااااااااه
الحاجه التانيه اللي في الفيلم اللي من الاخر بتحكي القصه كلها بتاعته وممكن كنا نبدل الفيلم بيها
هي الاغنية
الاغنيه فعلا كلماتها حلوة جدا والخلفية الموسيقيه بتاعتها جميلة جدا
وبقت حلوة اكتر لما اتنين غنوها مع بعض
عبرت عن اللي عايز يتقال في الفيلم
الاغنية فعلا بعيدا عن الفيلم بتحكي واقع شباب كتير دلوقتي فينا
عايشين ومش محددين ايه الهدف من حياتنا ولا احنا عايزين ايه بالظبط
ويمكن هيا فعلا لخصت قصه الفيلم في صوتين وفي شخصين من البشر
عمري ايه قبل الليلادى
عمر ضايع عمر فاضي
واللي عشته من حياتي ورقه فاضيه وقلم
واللي كانت روحي فيها كدبتنى ليه عنيها
فجأة راحت مش لاقيها زى حلم أتهدم
جوه منى كتير معاني والحياة مكتفانى
أنا نفسي أقول واصرخ بصوت
نفسي اتحدي زماني
أحلام كتير متكسرة بين السنين متنطورة
نفسي ألاقى فيا نفسي
نفسي يتحقق كياني
...
أما انا فاحكايتي قصه
من هروب لهروب ولسه
لسه بحلم يوم بمرسى
ومركبة وحضن وصبيه
بين حياة شايفها سد
مش مهمة لأي حد
نفسي أعيش بس انى أعيش
والا يبقى كتير عليا
جوه منى كتير معاني والحياة مكتفانى
أنا نفسي أقول واصرخ بصوت
نفسي اتحدي زماني
أحلام كتير متكسرة بين السنين متنطورة
نفسي ألاقى فيا نفسي
نفسي يتحقق كياني
...
الصورة دي بقي فعلا قعده اسكندراني .....بس بلاش سيجارة الحشيش اللي فيها
15 comments:
صباح الخير
موضوعك جميل لأنه بيتكلم عن اسكندرية في حد ذاته وكمان لاحظت اشتياقك ليها وكانك بعيد عنها
طبعا اسكندرية جميلة جدا ومصر كلها لها روح تانية كفاية أنك في بلدك
ربنا يرجعك ليها بالسلامة ويرجعنا كلنا بقى
Angel Love
angel
اسكندرية طبعا جميلة
وانا فعلا بعيد عنها
وربنا يرجعنا كلنا بالسلامة ان شاء الله
نورتي
حمدلله ع السلامه اولا
وثانيا ازيك
اما ثالثا البوست
انا مشفتش الفلم بس واضح خصوصا اول صوره ان فيه منظر لاسكندريه حلوه
الاهم بقى
شوق وحنين وحيره ولمحات ألم وفكر لقيتهم بين سطورك
مشتاق لاسكندريه ولمة المصيف والاهل
مشتاق لبحرها الدافيء
ربنا يصبرك ويرجعك بالسلامه
اما موضوع الاغنيه
فكلماتها حلوه
بس اكيد لو سمعتها يبقى احلى
هدور عليها
حال شبابنا يوم ورا يوم من سيء لأسوأ إلا من رحم ربي
ربنا يصلح الحال
واد يا اسكندرانى انا الفيلم عجبنى طبعا المناظر تحفه
والقصه هى مش دى حياة بعض الناس اللى فى 6 اكتوبر ولا ايه بصراحه انا شوفت هو بيحكى عن الطبقيه وده واحد ابن ناس وده واحد ملوش حد يعنى واقعيه بس هى فلتت فى الاخر لما اداله الشيك لان المخرج غلط كان المفروض لنفس البشريه العاديه هيقسمه مش هيدهوله كله
طبعا الفليم زي ماأنت قولت مايدخلش سسينما انا زيك أتفرجت عليه بالصدفه ويمكن أتفرجت على تخاطيف منه كل اما الاقيه اتفرج على حته منه وفعلا أحلى مافيه أن الواحد بيفتكر ذكرياتنا على شواطئ اسكندريه
زمردة
الله يسلمك .كله تمام الحمد لله
شوق وحنين وحيره ولمحات ألم وفكر
هو ده يا زمرة انتي لخصتي الليله كلها
وربنا يهدي شبابنا اللهم امين
منوراني دايما
appy
يعني يا آابي انا راضي زمتك
انا ماقولتش ان مافيش ناس كده
لا عارف وعلى رايك ومش 6 اكتوبر بس اللي مليانه من النوعيه دي
بس هل الحال ده مستاهل يتعمل فيلم وحدوته والناس تدخل تشوفه
بس سيبك انتي شوفتي المناظر عامله ازاي في الفيلم
تحفة مش كده
EGYPT EYES
مش كده برضه بالزمة معايا حق انا يعني
منور يا باشا
الفيلم ده كان نازل لسة السينما هنا الإسبوع اللي فات لإن الأفلام بتنزل هنا فقطر بعد ما يكون الناس كلها نست الفيلم أساسا و إتعرض في كل القنوات خلاص
كان نفسي أدخله بس ما كانش عندي أي وقت .. كنت زعلانة بس كلامك حسسني إن عادي مش مشكلة
الأغنية حلوة قوي بس إنت ماقلتش مين اللي بيغنيها
بس تصدق فعلا معظمنا كنا عايشيين ولا عارفينلنا هدف و لا فاهمين عايشين ليه
ماعرفش ده طبيعي لعمر معين؟؟
بس لأ مش طبيعي
فيه كتير بشوفهم فعمر زي اللي كنت فيه و كانوا مركزين أكترر و فاهمين الحياه و محددين هدف لنفسهم فيها
و دلوقتي أما بشوف ناس زي كده بقول ياريتني كنت زيهم
و بستغرب يا ترى ايه اللي ساعدهم على تكوين أفكارهم
الصورة الأخير فضلت أدقق فيها و حاتجن و أعرف فين
حاسة اني عارفة السور اللي وراهم ده كويس جددددا
hannoda
بصي يا هند في الحالة العاديه هاقولك احسن انك ما دخلتهوش
لكن في حالتك ديه اللي هي شبه حالتي انا كمان
:(
اسكندرانيه وبقالك فترة ما نزلتيش فحاولي تدخليه بس عشان شوية المناظر اللي فيه واحساس المصيف وشهر اكتوبر بتاع اسكندريه
عارفاه
الاغنية يا ستي بيغنيها مدحت صالح وايهاب توفيق واسمها عمري ايه
بخصوص الهدف بقى
we are missing the meaning of Target.
Question:what's your target?
Answer : I DON'T KNOW.
تحسي ان في الغرب الطفل وهو صغير ليه شخصيه مستقلة مش تابعه وليه هدف في جميع مراحل عمره بيحاول ينفذه
والهدف طبعا بيتغير في جميع مراحل العمرية
احنا بقي تسالي اي حد انت عايز ايه يقولك انا عايز اشتغل شغلانه كده عشان اتجوز بقي
بقي شايف ان التارجت الكبير بتاعه هو الجواز ومش شايف ان الجواز في حد ذاته هو وسيله للاستقرار عشان تقدر تحدد بقية اهدافك
بقي للاسف معظم الناس مهمشين في ذاتهم حتى
الواحد بقي بيهمش نفسه
الا من رحم ربي طبعا
نسأل الله العافيه
السور بقي يا ستي الفيلم كله متصور في العجمي على فكرة شهر العسل وبيانكي وكده
بس المنظر بالظبط في شاليه في برديس ابو قير على البحر السور بتاعه شبه ده بالظبط افتكرته لما انتي قولتي انا عارفاه السور ده
ان شاء الله تنزلي مصر بالسلامة وقريب
تحياتي
السلام عليكم
جميل أوي إسلوبك في نقد الفيلم و تحليله و معاك حق الأغنية فعلا تحفة في كلماتها و لحنها
أما بقي إسكندرية
فأهل مكة أدري بشعابها و دايما هي عروسة البحر
وجامدة أوي القاعدة الإسكندراني بس من غير حشيش
^_^ هه ^_^ هه ^_^
تحياتي و سلامي
انتظرونا قريبا في
(( خمسة لقلبك ))
مع
Aaya & Angel
http://5toyourheart.blogspot.com
وفي انتظار جديدك متتأخرش علينا
cold air
اهلا اهلا يا هندسة
اكيد اهم حاجه القاعده بس من غير حشيش
ولو في حشيش برضه في ناس مش هتقول لأ
ههههه
نورت يا زعيم
Angel
أنا جااايييييييي
متهيال الاعدة الاسكندرانى بجد كان فى صايع بحر لما كانوا فى شط ستانلى
انا مش اسكندرانى بس باحب اوى امشى فى حماريها بالليل فى الشتا بعد المطر
Post a Comment