يا مسافر وحدي

بقالي فترة كبيرة نفسي اكتب حاجه جديده بس الصراحه ما كنتش عايز اشيل البوست اللي فات

"هذه مقدمه منطقية واستهلال لابد منه"

!!!!!

!!!!

!!!

!!

!

مسافر انا وحدي وسط الطريق

غريب اقطع الطريق ايابا وذهابا

مرة واحده حاسيت اني لوحدي في الدنيا

اه ليا صحاب كتير واهلي وعيلتي يا رب يخليهوملي يا رب

بس لا الاحساس ده اللي بيفرض نفسه علي البني ادم

الاحساس اللي بيخلينا نرجع تاني وندور على اللي جوانا

ندور في صفحات حياتنا اللي فاتت علينا

الايام اللي اجبرنا نفسينا على نسيانها

بس للاسف ما قدرناش

مش ضعف فينا

بس هو ده الواقع

الايام دي مش ينفع ننساها

ننسى ايام عشناها

ننسى ايام كنا فاكرين نفسنا فيها اسعد الناس

وكل ما نرجع لورا اكتر كل ما تتاكد الصورة

بيتاكد اننا في اشتياق للايام دي

مع كل مرارتها

مع كل مشاكلها

مع كل ابتسامتها

مع كل ايفيهاتها

مع كل المواقف الحلوة والوحشة اللي عدت علينا فيها

ونرجع تاني

نعرف ساعتها احنا حاسيين ليه بالوحده

مع كل اللي موجودين حوالينا

مع كل اللي بيحبونا

مع كل اللي بيعايشونا

برده لسه بنحس بالوحده

ونلاقي القطر ماشي بينا

اهه ناس كتير

بس كل واحد مسافر لوحده في دنيته

وكل واحد حاسس بوحدته

مش عارف اذا كان البوست ده حد فهمه ولا لأ

بس انتو عارفين بقى

في ساعات كلام بنبقى عايزين نقولوا

وما بنلاقيش حد نقولهوله فبنكتبه

ومعلش اذا كنت خليتها غامقه شويه

وغميتكم كده

وزمانكم قولتوا ايه اللي مكتوب ده

بس ارجع اقول

أعذروني......اوكي

شكر خاص لنسرين على أغنيه يا مسافر وحدك

NO Comment.....

انا حاولت الاقي عنوان مناسب بس بجد ما لاقيتش

اللي عنده اقتراح يقولوا

ما تخافش

إقلع غماك يا تور وارفض تلف
إكسر تروس الساقية و اشتم وتف
قال : بس خطوة كمان .. وخطوة كمان
يا اوصل نهاية السكة يا البير تجف

عجبي !
"صلاح جاهين"

feelings

"Mories Albert song lyrcis"

Feelings, nothing more than feelings

trying to forget my feelings of love
Teardrops rolling down on my face
trying to forget my feelings of love
Feelings, for all my life I'll feel it.
I wish I've never met you, girl; you'll never come again.


Feelings, wo-o-o feelings,
wo-o-o, feel you again in my arms.


Feelings, feelings like I've never lost you
and feelings like I've never have you again in my heart.


Feelings, for all my life I'll feel it.
I wish I've never met you, girl; you'll never come again.


Feelings, feelings like I've never lost you
and feelings like I've never have you again in my life.


Feelings, wo-o-o feelings,
wo-o-o, feelings again in my arms.
Feelings...

you will feel the same if you have my job

بقالي فترة كبيرة ما كتبتش حاجه في البلوج فجاتلي فكرة اني اكتب عن المعاناة اللي باشوفها مع المدير الجديد

المدير الجديد اللي جابهولنا في الشغل بس عشان هو قديم

اكيد طبعا ما دمنا في شركة قطاع عام او هنقولوا شبه قطاع عام

زي ما بيقولوا كده احنا في شركة انصاف الخاص والعام

شركة ما سابتش حاجه من مساؤي العام الا واخدتها وما استغنتش عنها

ولما اتحولت الي خاص برده هتسيب عوايدها

ابداااااااااااااااااااااااااااااااااااااااااااااا

برده شافت فين اللي ممكن يضايق الموظفين بتعوها وزودته على اللوايح بتاعتها

والله ما هواش تبطر على النعمة ولا حاجه بس الواحد كان عايز الافضل للمكان اللي قاعدين فيه

المهم

ما علينا

نيجي بقى لسيادة المدير بتاعنا

السيد مدير الادارة

الكلمة دي فكرتنى بالكلمة بتاعة الاستاذ الملواني بتاع المدرسة

السيد مدير المدرسة

سيادة المدير اللي جاى عندنا عشان يصيف على رأي واحد صاحبي

كل لما نكلمه في حاجه يقول دي مش مسؤليتي

انا هنا موجود عشان شغل الادارة وبس

ولما نروحلوه بشغل الادراة يقول يا جماعه اتصرفوا

نعم يا أخويا

اتصرفوا

وانت موجود هنا لييييييييييييييييييييه

لما خلاص هنتجنن منه بجد

ده غير طبعا المواقف الكتيير اللي هو سلبي جدا فيها سلبي جدا يعني

ما علينا

بجد الواحد نفسه يدي للمدير بتاعه التيرميناشن دي

and say to him

GOOOOOOOOOO AWAAAAAAAAAAAAAY

YOU ARE FIRED

تخيلوا كده معايا لو في ايدينا الموضوع ده كان زمانا كلنا ادينالهم استمارة 6

وكان زمان الليلة بقت حلاوة

وعجبي........

اسكندراني

End Of Exams

و أخيـــــراً
الحمد لله خلصنا امتحانات والحمد لله الدكاترة بهدلونا

بس على مييـــــــن
مش المشكله في الامتحانات بقى

المشكله الحقيقيه بجد إن مخي فعلا مش مستوعب اني خلاص فعلا

ما ورييش حاجه غير الشغل
وده بقى همه سهل ومشاكله سهله

على طول قاعد اقول لنفسي أنت فعلا خلصت

أنت فعلا فاضي ومش وراك حاجه

أكيد انت غلط

لا لا لا لا لا لالالالالالالا

انت اكيد غلطان

دور كده هتلاقي نفسك وراك تلتميت حاجه

لا والخيبه أني لاقيت ناس كتير قوي كده

بعد ما بيخلصوا امتحانات مش قادرين يستوعبوا انهم خلصوا وخلاص مش وراهم حاجه

والحاله دي متهيألي بتقعد كده مع الواحد شويه مش صغيرة

المهم بقى اني بعد ماخلصت اكتشفت ان الصيف ابتدى عند الناس من زمااااااااااااااااااااااااااان

والشواطئ زحمه

ومليانه نااااس

والمصيفين بالهبل

في ايه يا جماعه

احنا لسه في شهر سته

انتو جيتو بدري ليه كده السنه دي احنا لسه ما استمتعناش بالفضيان بتاع اسكندرية

حتى شهر سته مش مهنيينا عليه

كده والحمد لله مش هننزل الميه غير في نص تسعه

يا دوب ... لحد ما اسكندرية تفضى شويه

وطبعا نص تسعه ده يبقى رمضان ابتدى

يبقى عليه العوض ومنه العوض في الصيف السنه دي

وعلى رأي شاعرنا الكبير صلاح جاهين

وعجبي......

اسكنراني

فاكر زمـــــــان

لا أدري لما اتذكر دوما هذه الأيام سنوات طفولتي
هل أشتقت إليها ؟
هل حنييت لها ؟

ام أنني تعبت من أيامي الأن.

أشتقت إلى ذلك الطفل الصغير الهادئ الذي لم يحمل بعد هم الدنيا ومسئولياتها.
أشتقت الى ذلك الرجل العجوز ذو الشعر الأبيض والوجه المبتسم دائما ذو القلب الطيب واليد الحانية ذلك الرجل الذي طالما جالسته ولعبت معه و كان دوما يصحبني في يده لمقره المعهود القهوة
وحشتني كوبايه الكاكاو اللي كنت بتجيبهالي على طول...
جدو حبيبي ..... وحشتني قوي .....
اللهم أرحمه وأغفر له رحمة ومغفرة من عندك إنك انت الغفور الرحيم أجعل مثواه الفردوس الأعلى من الجنه يا أرحم الراحمين. آمين أمين أمين.
أم اشتقت إلى الاستيقاظ مبكرا لا لشيئ إلا لأداعب إشعه الشمس الحانيه الدافئه التي تتسلل على حين غفلةٍ من بلكونه شقتنا و أخرج أنا لأستقبلها وكأنني ألاقي عشقى وحبيبتي.
يا لها من أيام لم أكن أتخيل أن ذلك اليوم سيأتي سريعا بهذا الشكل .اليوم الذي سأقول فيه فاكر زمان
شاب في عامه السادس والعشرون يقول يااااااااااااه فاكر أيام زمان
فاكر الراجل العجوز اللي كان على طول بيصحينا من النوم الصبح ويفضل ينادي في الشارع
أبر خياطه وأستك حرير....... مم
ما أحلى صوته العذب وما أحلى الشوارع الخالية وما أحلى تلك الأيام
ما أحلى أيام الطفولة.
نعم ما أحلاها
ما أحلاها.

إسكندراني

آآآآآآآآآآآآآآآآآآآآآآآآآآآآآآآآآه من السنة دي

بسم الله الرحمن الرحيم

بجد السنة دي عدت عليا بحاجات غريبة قوي أول مرة تحصلي

بس الحمد لله أهو الصيف داخل وربنا يسترها وأخلص امتحانات على خير

أنا ايه اللي طق في دماغي وخلاني اسجل ماستر السنة دي




آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه للصبح








المهم أن الصيف داخل علينا اوهو و بشايره هلت وأنا أخيرا قررت أعمل المدونة بتاعتي


و أهوه مادام أنتو بتقروا الكلام ده يبقى أكيد طلعت للنور الحمد لله ودخلت من أبواب نظرية الطيف الموسع
Spread Spectrum Broadband sure i mean the Internet Backbone not CDMA
ودي طبعا ماده من اللي عليا الترم ده
ياللا بقى ربنا يقوينا






يا أحلى بلاد الدنيا يا أسكندرية





إسكندراني