بقالي فترة كبيرة نفسي اكتب حاجه جديده بس الصراحه ما كنتش عايز اشيل البوست اللي فات"هذه مقدمه منطقية واستهلال لابد منه"
!!!!!
!!!!
!!!
!!
!
مسافر انا وحدي وسط الطريق
غريب اقطع الطريق ايابا وذهابا
مرة واحده حاسيت اني لوحدي في الدنيا
اه ليا صحاب كتير واهلي وعيلتي يا رب يخليهوملي يا رب
بس لا الاحساس ده اللي بيفرض نفسه علي البني ادم
الاحساس اللي بيخلينا نرجع تاني وندور على اللي جوانا
ندور في صفحات حياتنا اللي فاتت علينا
الايام اللي اجبرنا نفسينا على نسيانها
بس للاسف ما قدرناش
مش ضعف فينا
بس هو ده الواقع
الايام دي مش ينفع ننساها
ننسى ايام عشناها
ننسى ايام كنا فاكرين نفسنا فيها اسعد الناس
وكل ما نرجع لورا اكتر كل ما تتاكد الصورة
بيتاكد اننا في اشتياق للايام دي
مع كل مرارتها
مع كل مشاكلها
مع كل ابتسامتها
مع كل ايفيهاتها
مع كل المواقف الحلوة والوحشة اللي عدت علينا فيها
ونرجع تاني
نعرف ساعتها احنا حاسيين ليه بالوحده
مع كل اللي موجودين حوالينا
مع كل اللي بيحبونا
مع كل اللي بيعايشونا
برده لسه بنحس بالوحده
ونلاقي القطر ماشي بينا
اهه ناس كتير
بس كل واحد مسافر لوحده في دنيته
وكل واحد حاسس بوحدته
مش عارف اذا كان البوست ده حد فهمه ولا لأ
بس انتو عارفين بقى
في ساعات كلام بنبقى عايزين نقولوا
وما بنلاقيش حد نقولهوله فبنكتبه
ومعلش اذا كنت خليتها غامقه شويه
وغميتكم كده
وزمانكم قولتوا ايه اللي مكتوب ده
بس ارجع اقول
أعذروني......اوكي
شكر خاص لنسرين على أغنيه يا مسافر وحدك
27 comments:
مصطفى
لو حاسس بكده دلوقتى من قبل ما تسافر
لو احساسك بالوحده عميق كده وانت لسه فى اسكندريه
يبقى بالسلامه عليك
انت لازم تتماسك شويه عشان تقدر تتحمل الغربه
وصدقنى انت تقدر تغير كل حياتك
كل شئ باديك
لو انت عاوز تكون وحيد حتفضل وحيد
انت اختار
وكمان انت عجزت يا معلم ع الكلام ده
سبعه وعشرين
سبعه وعشرين
يعنى على ايام لولاكى لولا لولا كده
سلام
ماااااااااشي يا نسرين
ماشي
انا ناقص الكلام ده دلوقتي
بس انا مش على ايام لولاكي والحاجات دي
دي الموضه الجديده يا بنتي ساعتها كانت
انا من ايام رق الحبيب وواعدني
مردودالك
ياه
عندك حق وقلت كلام كتير اوى جوايا فبالرغم من الناس الكتيييييييير اوى اللى حواليا فبردو وحيدة
مش عارفة بحس ان الناس مش بعددهم بقيمتهم .. يعنى المهم الكيف مش الكم
او زى نظرية كلنا بنحب القمر بس القمر بيحب مين
ربنا يفك كربك ويشرح صدرك ويوفقك ويكرمك فى حياتك يارب
اللهم امين
2insana
آميـــــن يا رب العالمين
دعيلي يا ياسمين بالله عليكي
يا مسافر وحدك
وفايتنى
ليه تبعد عنى
ليه تبعد عنى 00 وتشغلنى
ودعنى
من غيير ما تسلم
وكفايه قلبى انا مسلم
دى عنيه دموعها
دموعها بتتكلم
يا مسافر وحدك وفايتنى
ليه تبعد عنى وتشغلنى
على نار الشوق انا حاستنى
واصبر قلبى واتمنى
على بال ماتجينى واتهنى
طمعنى بقربك اه واوعدنى
يا مسافر وحدك وفايتنى
ليه تبعد عنى وتشغلنى
خايف لا الغربه تحلالك
والبعد يغير احوالك
خلينى دايما على بالك
يا مسافر وحدك وفايتنى
ليه تبعد عنى وتشغلنى
مهما كان بعدك حيطول
انا قلبى عمره مايتحول
حافتكرك اكتر من الاول
بس انت اياك تبقى فاكرنى
بس انت اياك تبقى فاكرنى
يا مسافر وحدك وفايتنى
ليه تبعد عنى وتشغلنى
اهداء خاص ليك
:)
nsreen
بجد مش عارف اقولك ايه
ميرسي بجد
وما تنسيش تعملي حسابي في السوبيا
:)
alexandrany
عندك حق في كل كلمة قلتها
و انا معاك
و مش معني ان الواحد حاسس انه وحيد يبقي هو غريب او غير متفق مع اللي حواليه
انا والله ساعات كتير جدا بحس اني محدش فاهمني و ان انا وحيدة بس مش قوي يعني
وده لان محدش زي التاني ...الناس مش زي بعضها
انا معاك بجد و فاهماك و حاسة بقصدك
:)))
ربنا يكرمنا جميعا
-----------------------------------معلش البوست بتاعي كئيب هناك
بس هو ده الواقع والله اللي احنا فيه و شكلما كدة هنفضل فيه اطول فترة ممكنة
-------------------
احب احيي فيك فخرك و اعتزازك باسكندرية
انا كمان بحبها
:)))
نورتني
بيــــــــــــــــــــس جدا
لما تحس الاحساس ده يبقا بجد عادي جداااااااا
انا على طول عايشه الاحساس ده
.
.
.
قلبت عليا المواجع يا برنس
زيزي
mermaid
مرارة الوحده بتبقى امر لما تبقى عايشه وسط الناس وحاسساها
ان شاء الله ما يطولش يا ميرميد
واسكندريه بتحب كل الناس اللي بيحبوها
شرفتي
زيزي
ازييييك
انا اسف جدا على المواجع اللي اتقلبت عليكي
بس انتي عارفه بقى
الطيور على أشكالها تقع
ربنا معانا
تعرف اني ندمت اني دخلت اكتب تعليق
لسبب واحد بس
عارف هو ايه
هو ببساطة ان الاغنتية قفلت و النت هنج معايا بعد التعليق و ما عرفتش اكمل الاغنية الجميلة دي
بس موضوعك الهايل
يا احسن اسكندراني عرفته
نساني الموضوع ده
و خلاني افتح التعليقات قبل ما اكمل الاغنية
خالص تحياتي
على فكرة اكيد ده احساس بيجى عند الناس كلها
وفيه حاجه بتقول انسان بلا ماضى يكون بلا مستقبل
بص عاوز تعرف مين اقرب انسان ليك فى اللحظه اللى تحس فيها انك نفسك تفضفض اول اسم هيجى على بالك هو ده الوحيد من قلبك
ولا غامقه ولا حاجه
بس هون على نفسك
كتيييييييير ياخدنا الاحساس ده
ونبقى عايشين وحده وسط اقرب الناس والاهل والاصدقاء
وساعات بتبقى وحيد في المكان لكن ونسان"من الونس" ومش حاسس بالوحده
ربنا يفرحك قلبك ويرضيك ويسعدك
حاول تخرج من الاحساس ده لأنه بيقتل اشياء جميله جوانا
وسنه جديده بالحب والخير والامل
هابى نيو يير ... وحاجات حلوة وطراطير .... وجاتوه وفطير....والأهلي خطير ..... والريس لسه قدامه كتير
الغربه يا اخي العزيز احساس قاتل لو سبناه يمسك فينا ويتمكن مننا
الغربه تحمل معاني كتير اوي انا هتكلمم عن غربتي بره بلدي
الموضوع بيكون في الاول شويه صعب
لكن الدنيا والشغل والجري بيخلي الايام تلف بسرعه البرق
وتحس انك حتي مفيش عندك وقت تعمل اي حاجه بتحبها وكنت متعود عليها
بس في الاخر هتلاقي حياه جديده ونظام تاني خالص للحياه هتتأقلم عليه وجايز كمان تحبه
انت عارف انا قبل ما امشي ككتب بوست عن السفر والغربه
وساعتها مراكبي ودا صاحب مدونه معرفش اذا كنت عارفه ولا لا
قا لي انا شوفتك اهه دلوقتي
وهشوفك بعد 3 شهور في الغربه ياتري هيكون احساسك كدا برضه
ساعتها مفهمتوش
لكن دلوقتي فهمته اوي
الدنيا بتغير يا اخي العزيز
انا كان عندي اراده اني وسط غربتي دي اغير حياتي
وانت كمان لازم تعمل كدا
ربنا يكرمك يارب وغربه المشاعر الي انت حاسس بيها دي تبعد عنك
وتلاقي شاطئ ترسي عليه وتحس بجد انك وسط مشاعر بتخاف عليك وبتفتقدك
وساعتها عمرك ما تحس بالغربه ابدا وسط الناس
تحياتي ليك
ويارب السنه الي جايه تبقي في احسن حال يارب
تحياتي ليك جدا
موجه
ابو البحر حبيب قلبي
يا باشا الاغنيه والبوست وصاحب البوست تحت امرك
الاغنيه فعلا انا بحبها جدا
ومعلش بقى ابقى غير الراجل اللي واخد منه وصله النت
:)
نورت اسكندريتي اللي بحبها
appy
اكيد طبعا كلامك صح
بس الاهم من كده ان الشخص اللي يجي على بالك عشان تفضفضيله هو كمان لما يفكر في اقرب شخص ليه يكون انت
نورتيني ويا مراحب يا مراحب
:)
زمردة
هابي نيو يير يا جميل
اكيد طبعا ان مش على طول بنحس بالوحده وممكن نبقى لوحدينا وبرده متونسين
بس في ساعات كتير بنلاقيه جوانا واحنا مش حاسسين
شرفتيني ونورتيني
بس اهم حاجه قولتيها ان الاهلي خطيييييييييييييييييييير :)
gohayna
امين يا رب العالمين وتكون سنه سعيده على كل الناس ان شاء الله
المشكله مش غربه مشاعر بس يا دكتورة
بس برده من الحاجات المهمه حكايه الشط اللي نرسي عليه طبعا انا معاكي في دي وابصم بالعشرة
:)))))
نورتيني وميرسي ليكي
ك احنا بقينا فى زمن الغربه فعلا بس انالنا بنحس الاحاسيس دى عادى والله اصل لما بحس بالوحده برح اقعد على الكمبيوتر وانت كمان شوف حاجه تطلعك من الوحده دى
تحياتى لك ولاء
ايه ده
ايه ده
انا مش مصدقه نفسى والله
انت كاتبلى اهداء كده فى العلن وباللون الاصفر كمان
ايه السياح ده
احنا مش متفقين ان اللى بيننا سر
كده مش حنسلم من لاشاعات يا معلم والمدونين ايه ما بيصدقو
:)
مصطفى بجد شكرا على الاهداء الرقيق
الكلام اللى فوق ده هزار
بجد شكرا اوى
walaa
انا عارف والله يا ولاء
بس الواحد بيفضفض معاكم كده شويه
ميرسي ليكي
نورتي
nsreen
يا باشا ما تقلقيش
السر ما يطلعش بره خمسين نفر
سرك في بير
:-)
ثم ده حقك يا جميل
تحياتي
العزيز مصطفى
ما فيش إنسان ما مرش بالإحساس إللي إنت حكيت عنه ده
السفر بداخل النفس
والإحساس بالوحده رغم وجودك وسط أهلك وناسك
وده بيخللي الواحد يكتشف ما بداخله
ليه حس بده
ولو الإحساس بالوحده عجبه بيستمر فيه لبعض الوقت وليس لكل الوقت
وسرعان ما يصل إلى ما يريده ويسعى لتحقيقه بكل ما عنده من عزيمه وقوة
تمنياتي لك بالتوفيق
موضوعك جميل بهنيك عليه والاحساس بالوحده ده عند كل انسان لان مش كل الناس زى بعضها ويمكن انت حاسس بيه اوى دلوقتى لانك بطولك عشان مفيش مسئوليه جامده عليك بس هو احساس طبيعى وعايزه اقولك انك مش مجبر ولا حاجه انك تنسى الايام اللى فاتت احنا بنعيش بيها بالحلو والوحش اللى فيها لكن هى بتمثل فتره فى حياتنا اكيد بنحن ليها
مع تمنياتى بالتوفيق
لا طبعا انا فاهمه كلامك اوى
وكتير او تقدر تقول على طول حاسة الاحساس دة
يمكن تفسيرى له ان فى حاجة معينة محتجاها ولسه مجتش وهى دى اللى بتخلينى احس انى لسه وحيدة مهما كان حواليا ناس كتير اوى ومهما كنت وسط اهلى مش متغربة
بس الغربة بتبقى جوانا بغض النطر عن مكانا
غربة عن اللى محتاجينة او بنحبة
شعورك طبيعى جدا لكن بنحاول اننا نهرب منو
اول مرة ازور مدونتك ولفت نظرى البوست دة بالذات لانى يمكن دايما بقول زيك كدة
أملى فى أن دوام الحال من المحال
تحياتى يا ابن مدينتى التى اعشق
سهر الليالى
عندك حق بجد
رغبتنا اننا نرجع لورا علشان نعيش نفس الايام اللى فاتت مع الناس اللى بردة فاتوا
نعيش اللى راح مهما كان حزين او مر
بس بحس ان الانسان هو كدا
بيحب اوى الحاجه البعيده عنه ومش بيحس بقيمه الحاجه اللى فى ايدة
ما احنا دلوقتى معانا بردة ناس بنحبها ومنقدرش نعيش من غيرهم بس محتاجين الناس اللى مشوا
بيتهيالى دى طبيعيه بشريه
تحياتى ليك وعجبتنى مدونتك اوى:)
Post a Comment