فارد جناحك يا طير وعالي لفوقلوحدك اخدت السما
والبحر وهواها
وطاير على شطها
طاير على شطها يا طير
بتحبها؟
اكيد طبعا يا طير
من غير ما تقول عارف وحاسس بيك
ومين يا طير شافها ولا حبهاش
ده اللي يجيلها مرة مش عايز يسيب
بالك بقى باللي بالك فيه
باللي عايش ودايس وشامم ريح الموج
شاممه يا طير
املى صدرك بيه
عجبي عليك يا طير
لااااابد هناك
عند المرسي والمنشية ومش هاين عليك رملها
عاجبك ميناهها الشرقي ومش عايز تسيبه
اومال يا طير لو شوفتها من جوه هناك بعيد عن بحرها
عند الناس الطيبة
ناسها يا طير غير أي ناس
مجدعة وشهامه وحفظ جميل
هاخدك يا طير مرة ونروح هناك
يمكن تجيبه بحرها معاك عندهم
ولا اقولك
بلاش تتعبه
هو لوحده عايش وساكن قلبهم
أمانه عليك يا طير ما تسيب جوها
امانه عليك يا طير ما تغير طبعها
الا هيا يا طير
دي هيا اللي ساكنه في قلبنا
ازعل واموت يا طير
لو حد مسها
لو حد مسها
خلاص يا طير
ماشي انا ومسافر بس راجعلها
راجع يا طير وشايل في قلبي حبها
راجعلها انا يا طير
ان شاء الله هارجعلها
هاحضنها بعنيا
وابوس ترابها واقولها
وحشتيني
"إهداء لست الكل حبيبة قلبي أمي"
34 comments:
ياااااااااااااه
الله عليك يا اسكندرانى
هى دى فعلا اسكندريتنا الجميلة اللى ريحه بحرها فى كل حتة من ترابها وشوارعها
ولا ناسها اللى مفيش احلى منهم فى الدنيا تحس انهم كلهم اهلك وقرايبك
تحس انها بيت كبيييييير لأهلها مش مدينة حضن كبير دافى وجميل
اااااااة يا اسكندرية
كلامك جميل اوى
ويارب ترجعلها ولا تبعدش تانى عنها بالخير يارب
تحياتى يا اسكندرانى
فعلا اللي بتقوله ده بحسه دايما
نفسي أحكي للي بيزوروها و ما يعدوش غير على البحر و الشواطئ إن فيه سحر تاني مش واخدين بالهم منه
سحر يحسوا بدفاه كل مايدخلوا جوه
البحر عندي مرتبط بوحدة جميلة بحبها و بستمتع بيها و بحس فيها إن العالم ملكي لوحدي
وعلى فكرة مافيش بحر تاني غير بحرها هو اللي يحسسك بكده
أما شوارعها .. حاجة تانية
بتنحسسني باللمة و الدفى وكإني فبيت كبير اسمه اسكندرية و مليان بناس كتير عارفاهم من نظرة فعيونهم
كده خليتها وحشتني
:)
هو انت مسافر؟
يا صديقى العزيز
نفسى اخد كلامك اديه لكل الناس اللى عاوزين يسبوها ومش حسين بيها دا حتى الطير بيحن ليها طيب احنا ليه قلوبنا بقت أسيا عليها
ربنا يرجعك ليها بالسلامه
آآآآآآآآآآآآآآآآه
احلى ما في الوجود
اسكندريه
جايه على بالي كلمات اغنيه
لو تعرف حبيبي لو اقولك حبيبي
احساسي حبيبي لما بكون معاك
مش قادر كلامي يوصفلك غرامي
والشوق اللي ياما سهرني في هواك
بيتهيألي مفيش اغلى علينا من اسكندريه
مهما روحنا ومهما غبنا عن ارضها
ساكنه بين رموش العين
وثنايا القلب
جميل كلامك اوي
حسيت برعشه تتخللني وانا بقراه
تسلم ايدك
واحساسك العالي
وان شاء الله هترجع قريب وتحضنها
وتضمها واكيد هتفرح بيك
وتقولك
وحشتنيييييييييييييييييي
سهر الليالي
هي دي فعلا اسكندريتنا يا سهر
اسكندريه اللي بتشمي ريحه البحر من بعد ما تعدي من كفر الدوار
الريحه اللي لو نازله من القطر اول حاجه بتعمليها هي انك تاخدي نفس طويييييييييييييييل
اكنك ما كنتيش بتتنفسي هوا
واااااااااااه يا اسكندريه
شرفتيني
هند
اسكندريه فعلا مش البحر والكورنيش وبس
اسكندريه دي حاجه كبيرة قوي
رمله وشمس وبحر وميه وهوا وشوارع وناس وريحه اليود اللي منغششه في نفوخنا على طول
وناسها الطيبين اللي زي العسل وحاجات كتييييير لو هنعد البلوج كله مش هيكفيها
ومعلش بقى لو قلبت عليكي المواجع وخليتها توحشك
مع ان ما اظنش انها بتغيب عن خيالك لحظه
انا فعلا مسافر ان شاء الله الايام الجاية دي
ترجعلها بالسلامة ان شاء الله
آآبي
الناس مش عايزة تسيبها وتمشي منها يا آآبي بس انتي شايفه الحال والظروف اللي الناس فيها
الناس معذورة برضه وبيمشوا وهما متضررين غصب عنهم
وايوه كده الله يخليكي ادعيلي ارجعلها ان شاء الله
تحياتي
زمرده
انا معاكي طبعا
احلى ما في الوجود اسكنرديه
وانا مبسوط جدا اني كلماتي البسيطه دي خلى يجي على بالك الاغنيه الجميله دي
كلامك فعلا رفعلي معنوياتي اوي ي ي ي
ومبسوط اكتر انك ظهرتي تاني وجيتي رغم قرارك قفل المدونه وبتعلقي عندي كمان يا دي الشرف يا دي النور
وان شاء الله ترجعلنا ببوست جميل ورائع من بتوع زمان مش بمجرد تعليق
مستنيكي
اية دة
هو فى حد بيحبها اكتر منى
متهيالى من كلامك حسستنى انك بتحبها بس انا كان بحبها وبعشقها وعاملة زى سمكها لو طلع برة بحرها يموت
بجد كلام هايل واحساس عالى جدا
يارتها تحس بحبنا دة؟؟؟؟؟
تفتكر هيا عارف اننا نحبها كدة تفتكر اننا ل بعدنا عنها هتفتقدنا زى ما احنا مفتقدنها
البوست الجديد نزل يافندم
ومستنين تعليقك
تحياتى
ههههههههههههه
طلع فى كلام كتير مسقط منى فى الكومنت الاول
بص انا كنت بقول
تفتكر هيا عارفة اننا بنحبها كدة وتفتكر اننا لو بعدنا عنها هيا هتفتقدنا زى ما احنا بنفتقدها
معلش طولت عليك
تحياتى
يا إسكندرانى.. يا بستانى فى جناين الريح
ياقانى جواك سما..وشمس..وغنا تباريح
أحلى ما فيك يا وله.. انك جدع وصريح
وطيب القلب ..تضحك..حتى وانت جريح
وان عاندك الموج..تداديه انت وتصالح
دى اسكندرية عروسة بحرها المالح
يا بختك بيها
:)
طبعا اسكندريه اجدع ناس
ربنا يرجعك بالسلامه ليها
عارف لو خيرونى اسكن بره اسكندريه
مرضاش دا انا روحى فيها
وتطمن على والدتك وترجع فى حضن ست الحبايب
تحياتى ولاء
نبض اسكندرية
يا سوسو انتي تطولي براحتك بيتك ومطرحك
اكيد طبعا في حد بيحبها اكتر منك
انااااااااااااا
:)
وتعرفي برضه اكيد هي بتحس بينا لو بصيتي للحب اللي احنا بنحبهولها ده كله هتلاقيها اكيد بتحبنا زي مااحنا بنحبها
انسانة
ياسمين بجد بجد انتي نشنتي ع الاغنية الصح صح يعني
:)
تحياتي
ولاء
اكيد طبعا الاسكندرانية اجدع ناس
هو حد يقدر يقول كلام غير كده
:)
متشكر جدا ع الدعوة الجميلة دي يا ولاء
الله عليك
قلبى ارتعش والله
مش عارفه ليه
لما قريت البوست ده وإللي قبليه
ورا بعض
إفتكرت سيد درويش
وهوبيقول
حب الوطن فرض عليا
أفديه بروحي وعنيا
جميل قوي كلامك
يا مصطفى
وربنا يحميلك ست الكل
مساء الفل
يا اسكنكراني
يا حبيب قلبي يا غالي
ازيك يا ريس و عامل ايه
انا حقيقي باموت في اسكندرية
البلد دي واخدة قلبي من ساعة ما رحتها اول مرة السنة اللي فاتت
واحشني جدا و معلش كوني اتخرت في الرد عليك لكن و الله الماستر شاغلني جدا اليومين دول
ربنا يوفقك و يوفقنا و يوفق الجميع
سعيدة يا باشا
اوعى تنسى عيد الام يا ريس
يا ست الحبايب يا حبيبة
♫ ♪ ♪ ♫ ♪ ♪ ♪ ♫
انا مش عارفه اقلك ايه غير ربنا يجزيك خير على اهتمامك بزيارة المدونه
ومعش انا كنت شوغله شويه
على فكره
احلى كلام دا وكل سنه واى ام طيبه
حبيب قلبي
الاسكندراني
♥ ♥ ♥ ♥ ♥ ♥ ♥
انتا فين يا غالي
مافيش جديد عندك و غايب عننا ليه كده
انا شخصيا ما اقدرش على كده
مستني زيارتك و حاجهز الكابتشينو على ما تيجي
اين انت
اييييييييييييييه مفيش بوستات
يارب تكون بخير
نورنا تاني
اد ايه كلامك بينطق بحبك لاسكندريه
يريت كل اللى يحب يفضل فى حضن اللى بيحبه ومش يسيبه مهما كانت الظروف
تحياتى يا اسكندرانى:)
اسكندرية تستاهل كل الحب ده
بس انت فين ..ارجع بقى للتدوين
تحياتى
شيماء
nirfana
يا خيتي
أخجلتم تواضعنا والله
loumi
الله يخليكي يا رب
بصي من الاخر يعني وعلى راي الشاعر اللي ما اعرفشي اسمه
بلادي وان قست عليا عزيزة
واهلي وان ضنوا كرام
نورتي يا لوومي
مووجه
حبيب قلبي ابو البحر
يا باشا البلد دي واخده قلوب الناس كلها
فطبيعي تاخد قلبك معاهم
:)
معلشي والله انا فعلا مقصر ومتبهدل جدا جدا جدا
بس حاضر يا معلم جهز انت بس الكابتشينو وانا جاااااااااااي
:)
حبة حاجات ايمان
يا باشا انتي تشرفيني دايما بس ما تتاخريش علينا كده
ثم ده شرف ليا اني اكون زاير دايما عندك
زمرده
انااااااا جااااااااااااااي اهوه
معلشي والله الغربة وحشة بعيد عنك
بس بجد ادعولي
lonlysmily
واد ايه كلامك جميل ورقيق
ويا رب امين كل اللي نحبه ما نسيبوش
بس مش بايدينا
نورتيني
شقاوة شعب
اكيد يا باشا اسكندرية تستاهل اكتر
وانتي ست العارفين
ان شاء الله راجع قريب ببوست سكون حلو يا رب
تحياتي
كمان وحشتنى خالص
وسلمى ليه يا اما على اللى بالى بالك ترجع بالسلامه يا واد يا سكندرانى
thx to uuuuuuuu u make me happy to much i rember my city butful city alex i year im out siet egypt i need come tommrow
when i red u post
goooooooood
ِAppy
وقوليلها كل كلمه يا امي عنها كتبتهالك
ههههه
ابي وحستيني كمان يا جميل
شاب اسكندراني
really your words maked me so happy ya man
pleasure to see you here
Thanks alot
Post a Comment